وقال الرقيق:" هل ترضى أنو جزء من الأحزاب التونسية التقدمية يكونوا تحت الغنوشي يلعب بيهم في الألاعيب الدولية القذرة ترضى بيها انت؟.. الغنوشي يلعب بالناس الكل هذاكا علاش انسحب من رئاسة الجلسة بش يستدرج النواب غير النهضويين وبعد يخرج للخارج يقلهم هاو عندي 115".
وأجاب حجي على سؤال خليل قائلا:" شفتها العصابة الإجرامية هاذي وعندهم تمويل أجنبي ويعطيو في الفلوس، ترشحت للانتخابات بفلوس حلال 8 ملاين و200 دينار حملة انتخابية، وحكمتلي محكمة المحاسبات باش ترجعلي 6 ملاين و700 ودخلتلو البرلمان وما بعتش وشريت وخدمت الشعب التونسي وعنفوني وتصديت ووقفتلهم قوانين وما غبتش وخدمت قوانين تنفع الشعب التونسي، اليوم انت وأنا والخوانجي ومش الخوانجي والديمقراطي والتقدمي قاعدين في الفيراج نستناو في سيدي يخرج مالفيستيار شنوة الطرح اللي بش يعملو كرة يد كرة قدم كرة سلة باش يلغي الماتش بش يحط ربحنا 5 بشي من غير ما نلعبو، نتفرجو فيه، اختار بين المشهدين أنا أختار الأول".