وقال الرقيق:" عامل كيف أنا بالتصريح، معناها تصريح فيه غضة وحنان وأمومة وكل شي أنا سمعتو كامل راهو بين قوسين، معناها لولا أمومة القلب الرؤوم متاع حركة النهضة لما ضمت الميت تلك الحفر.. أنا قعدت نلوج في الأموم وفي الحنان وكذا لقيت الأمومة متاع عام 87 يبدا دبوزة غاز تطرشق في أوتيل مثلا ولا قنبلة، هاذيا أمومة ولدها يتشيطن تربي فيه طرشقت أوتيل، مثلا الأمومة متاع 91 واحد مكتف وجماعة يحرقو فيه في باب سويقة، أمومة تتغشش على ولدها هاذي أم صعيبة برشا، ثم الأمومة اللي جات بعد عاد برا قداش مشات فيها جنود والبراهمي وشكري بلعيد وبروطة وقداش عسكر، أمومة لا توة لغة الأمومة ما تواتيكمش، بصراحة الوضع هذا ما يتطلبش واحد خوانجي يحكي، انتوما بطبيعتكم لقيتو حل، المدة هاذي يجيبولكش مرة واحد يقحر في مسيرة ولا مظاهرة، يجيبو كان كي المتربيين وبالكرافات وسي نجيب وشيماء وكذا، اخدموا هكة خاطر كان تلوج عالأمومة ما هو الأم عندها أم، تلقا الحركة الأم متاعكم في 28 كي تتغشش على رئيس وزراء تعطيه بكرطوشة في الأصونصير، ما عادش تحكي عالأمومة".