وقال الرقيق: المدة الأخيرة كأنو الحكومة خذات قرار بتجميد الانتدابات في الوظيفة العمومية بموجب أزمة مالية الدولة، قالو فما حالات استثنائية يمكن توجب الانتداب، مستقبل الصغار والمنظومة التعلمية غير قابلة للتقشف بمعنى أنك اليوم تنجم تتقشف في أي وظيفة كانت نهارت اللي يتلمدولك 4 أقسام في الثانوي يلزمهم أستاذ رياضيات وأستاذ عربية وفرنسية وعلوم طبيعية وغيرو، فكل عام تصير العملية كيفاش تسدها وزارة التربية، وتراكمت المشاكل العام بعد عام وأصبحنا وكأنو شيء عادي كانت تلجأ للصيغة التعويضية كل مندوبية جهوية يجيها خريج متاع عربية ولا رياضيات يصب دوسي تصير شغورات يعبيوا بيه الشغورات، ماهياش تعويض يقري عام كامل يوفا العام ما يخلصوهمش بالباهي وما يسويولهمش وضعيتهم وما ينتدبوهمش يبطلو هوما ويعملوا احتجاجات وتبقى الأماكن شاغرة وتبقى الأقسام بدون رجال تعليم، إذن المسألة هاذي وقتلي بش نعالجوها اليوم ما هيش فقط مطلب نقابي من نقابة التعليم الثانوي هي مطلب من الشعب التونسي يلزم الولاد الكل اللي بش يدخلو للمكتب وللمعهد يلقاو الإطار التربوي بش يقريهم من غير مزية حتى مخلوق".