وقال الرقيق:"  ما عندي حتى رأي.. يلزم نعمل 12 رأي توة عنا 12 برنامج متاع إطاحة كل واحد يرقد في الليل يهبط برنامج متاع إطاحة وشغور وبموجب العزل الكامل والعزل الجزئي، راهو غريبة برشا سي حمة الهمامي عندما انت تحدثت في الجزء اللول عجبتني، أنا نحكي سياسيا حزب العمال اللي نعتبرهم أصدقائي ورفاقي أصلا، دخلو 2011، يعني ساهمو في اللي صار 2011، ومبعد دخلو ما دبرو حتى شي خرجو صفر اليدين، جاتهم فرصة في الجبهة الشعبية والتقاو ودم شكري ودم البراهمي أنتج وضعية خلاتهم متموقعين، خسروا ذلك التموقع في عركة بيناتهم، عاود رجع في 2019 حزب العمال تقريبا غير موجود في الخارطة الانتخابية جملة، ترجع في 2023، تقلي ساقطون لا محالة، والخطاب السياسي اللي ولا جديد متاع رد بالك على روحك وأحنا بش نطيحوك، هاذيا مش خطاب متاع ناس بناءة بقدر ماهو خطاب متاع ناس كي العادة انتظارية، قاعدين معملين على الغضب وعلى الشارع والمشاكل وإلى غير ذلك وما عندهمش البرنامج السياسي الفعلي اللي بش يقولو فيه لأي مسؤول برة امشي روح، لأنهم ماهمش جاهزين لحتى شي في حتى شي في حتى شي، تي هو حركة النهضة وماهي حركة النهضة وجبهة خلاصها وكذا وهبطو 400 للشارع، معناها خلي نكونوا واقعيين وواضحين اللي يحب يبادر يبادر على روحو أما على روحو راهو مش بش تفرض على الشعب التونسي إنو يطيح فلان"...