وقال الرقيق:" نحب نعدي رسائل واضحة .. نقلو سيد رئيس الجمهورية تعرفش شكون النقابيين أساسا اللي مساندينك راهو عندك قواعد نقابية كبيرة داخل الاتحاد كانت صمام الأمان في مضي الاتحاد مع مسار 25 جويلية، ما يلزمش ننساو هذا، النقابات الأساسية في القطاعات الكل، هذا جمهورك موجود داخل الاتحاد من حقو يكون عندو صوت علاش، لأنو الجمهور هذا بقدر تشجيعو لقيس سعيد ومساندتو ليه ما يسامحش في مسائل الاتحاد وقيمتو ودورو.. مازالو 9 شهور على الموعد المحدد متاع 17 ديسمبر، نعتبرهم كافيين، ينجمش الرئيس يعطينا كلمة فاصلة في الأطراف اللي بش تشارك معاه ومعانا في صياغة مستقبل تونس.. يجب على رئيس الجمهورية أن يتحدث مع الاتحاد ويوجد صيغة عملية لتشريك الاتحاد ومنظمة الأعراف والمجتمع السياسي اللي يلتقي معاه على الأقل حول رفض العودة إلى المنظومة القديمة، دون ذلك كيفاش بش تخدم؟.. الاستشارة أثبتتلنا حاجة وعطات درس باهي ياسر للناس الكل بما في ذلك أنصار قيس سعيد، حبت تقلهم من خلال العدد 300 ألف ولا 400 ألف وحتى كان وصلت 500 ألف، انت راك من المجتمع السياسي التونسي مكش انت تعبر على إرادة الشعب التونسي الكل وهذا يكفي بش السيد الرئيس وأنصارو ينسبو رواحهم داخل منظومة وطنية ويبحثو على توسيع قاعدة الأصدقاء والتقليص من قائمة الأعداء اللي هاو رينا وين بداو يوصلو معاه في الصراع"...