وأشارت مصدق في سياق متصل أن الحالة الصحية لشقيقها جوهر بن مبارك سيئة للغاية، وأصبح يعاني من ارتفاع الضغط ومشاكل على مستوى القلب.
وقالت المحامية:" التحقيق ما عادش فيه أعمال في الانتظار، التساخير رجعت الكلها، السماعات تمت الكلها، سواء مع السيد قاضي التحقيق أو مع الفرقة المكلفة في بوشوشة، فرقة مكافحة الإرهاب، لذا فإنو الملف استكمل وانتهى ومن المفروض الآن أنو يتم تسريح كل الموقوفين والإفراج عليهم لأنو تهمة التآمر لم تثبت، ولم يأت أي دليل قد يثبت عكس ذلك، ومن المفروض كون السيد قاضي التحقيق يختم البحث ويقفل هذا الملف نهائيا، يقفلو مش فقط لإرجاع الحق لأصحابو وتغليب العدل وكف هذه المظلمة اللي دامت أكثر من 6 شهر في ظروف قاسية جدا، الناس قاعدة تدفع في ثمن حاجة لم ترتكبها، خاطر برشا يقولو معناها اللي عمل يخلص، هاذم ما عملوش تحبهم يخلصو على شنوة، يعني ناس قاعدة في ظروف تعيسة ومزرية... جوهر حالتو الصحية تاعبة، جوهر عمرو ما كان عندو ضغط ووجايع في قلبو، الجمعة هاذي عمل زوز أزمات، طلعلو الضغط، التكفل مش باهي بالكل، البارح برك بش عملولو الراديو والتحاليل، في حين أنو هو جاتو كريز نهار الخميس ونهار الأحد وداخ فيهم الزوز... أنا كي ريتو تفجعت"...