وأشار بن فضل إلى أن الوحدات الأمنية لم تتدخل لمنع الاعتداء على الرغم من أن المشاركين في المسيرة طلبوا منهم ذلك.
وقال ضيف البرنامج:" تحركنا داخل الجمهورية وقاعدين ننشطو ونعملو في حملة تفسيرية للمواطنين والمواطنات بش نفسرولهم موقفنا من المقاطعة، وبعد ما مشينا لنابل وصفاقس نهار السبت ولت البارح كنا في سوسة، في نابل وصفاقس كان هناك مناقشين مع بعض المواطنين الموجودين، اللي مع الاستفتاء والمشاركة ضدو واللي مع الاستفتاء والمشاركة معاه، وأحنا مالمقاطعين، في سوسة ما كانش فما الوضع هذا، بالعكس كان فما ناس مش جايين يتظاهروا جايين بش يتعنفوا على ناس عندهم رأي مغاير، وهذا الكل في تواطئ واضح مع الأمن... ترا في ناس يعملو في حركات لا أخلاقية ويتكلموا في كلام بذيء وأكثر من ذلك ناس ترمي في الحجر في حكك التن والعظم ودبابز الماء مليانة بالرمل، وطلبنا من القوى الأمنية بش تتدخل قالولنا ما انجموا نعمل وشي وما نحكيلكش الكلام اللي تقال والعبارات اللا أخلاقية معنها أي مواطن يدخل للمركز بشورت يخرجوه مالمركز لو تراو التصاور اللي صورناهم هاذوما ناس مرتزقة خدموا مع كل الأطياف في سوسة ومعروفين ولادنا في الحوم يعرفوه في مصر يسميوهم بلطجية، البلطجي هو عبد لا أخلاقي يوظف طاقاتو لمن يدفعلو أكثر"...