وقالت محجوب:" فما فزاعة قاعدة تقول ردوا بالكم تمشيوا تصوتوا بلا خاطر كان تصوتوا بلا راهو المنظومة الأخرى بش ترجع وراهو حركة النهضة بش ترجع وراشد الغنوشي بش يولي رئيس الجمهورية كلام معنتها كي الظلام علاش أول حاجة دستور 2014 مات المجلس النيابي تحل وما عادش فما رجعة وأحنا كحزب آفاق تونس ضد الرجوع إلى المنظومة وأحنا قلنا هذا راهو منظومة متاع 24 جويلية أحنا ضدها وما نحبوهاش ترجع وبالعكس أحنا اناضلو بش الأهداف اللي تحطوا نهار 25 جويلية نحققوهم، مع الأسف بعدنا عليهم ياسر، أحنا نقولو اللي أحنا اليوم نهار 25 جويلية الناس يلزمها تفهم راهي بش تمشي تصوت على نص، النص أحنا نعتبروه ما يؤسسش لدولة القانون وأكثر من هكا يؤسس لدولة متاع استبداد ودولة تنجم تكون ظالمة تقمع وتقهر المواطن وأكثر تنجم تردنا إلى العصور الظلامية، هذاكا علاش نقولو اللي راهو مسؤولية نهار 25 جويلية ويلزمنا نتصداو لهذا النص والتصويت راهي أداة من أدوات المقاومة مش كيف نقاطعو، راهو الناس اللي تطلب بش تقاطع يظهرلنا بالنسبة لينا نحنا راهو إجرام في حق تونس... أحنا عنا عام قاعدين دولة تدار بالمرسوم 117، اللي هو مرسوم الدولة التونسية مش مرسوم قيس سعيد وأحنا استمرارية الدولة سنواصل بهذا المرسوم إلى أن يصيرو انتخابات تشريعية، رئيس الجمهورية كان يحب يعمل انتخابات رئاسية مبكرة فله ذلك، يكمل العهدة متاعو فله ذلك حتى لـ2024، ووقتها تتم انتخابات رئاسية، في الأثناء وقتلي أحنا بش ننتخبو مجلس نيابي جديد، عنا نص دستور، انجمو حتى ناخذو النص هذا اللي خرجو رئيس الجمهورية ونحطوه كورقة نتناقشو فيها كيفاش نعدلو دستور 2014، ينجم يكون هو ينجم يكون الدستور اللي عملوه الخبراء والمجلس يصوت عليه ونتعداو معنتها... راهو الناس اللي تقول بش يرجع المنظومة لخرى ونحبوا نصوتوا بنعم بش ننطويوا صفحة ويش نرتاحو منهم، راهو هذا خطأ كبير وكبير ياسر، نذكرهم اللي أحنا في المجلس التأسيسي وحزب آفاق تونس ضمن الكتلة الديمقراطية تصدينا إلى دستور الخوانجية متاع غرة جوان وصلحنا فيه ما أمكن لنا والهنات اللي موجودين ما نقولوش لا، أما على الأقل حطينا حواجز اللي توة ما عادش موجودين في الدستور هذا وزادة نحب نقوللهم بعد اعتصام الرحيل نحينا حكومة علي العريض ولهذا اللي يقولولنا نحبو نرجعو للي قبل ماهوش صحيح الكلام هذا"...