وقالت محجوب:" الموقف متاعنا خذيناه قبل صدور النص خاطر اللا متاعنا مش متوجهة لمسودة الدستور علاش أحنا بعد 25 جويلية شنوة جاء عمل الرئيس؟ نقولو الحاكم بأمرو ولا هو يقرر يصدر قوانين بعد القرار متاعو ينجم حتى يتعسف عليهم القوانين اللي يصدرهم يطبق ويمضي ما عادش فما حتى حوار، بعد 25 جويلية الحوار نحاه وهمش الأحزاب... وحتى اليوم حول الاستفتاء ما فما حتى ديناميكية ما فما حتى حوارات في العمق أحنا لا ضد المسار اللي اتجه بيه رئيس الجمهورية إلى بناء جمهورية الرئيس... يحب يبني جمهورية الرئيس... أحنا قلنا لا على المسار غير القانوني المسار المنغلق المسار اللي ما فيهمش حتى تشاركية وفيه انفراد بالرأي وما يسمع لحتى عبد ولهذا أحنا كي تجي تشوف الدساتير الديمقراطية تؤسس على أسلوب تشاركي وتمثيلي كل أطياف المجتمع على خاطر أحنا بش نعملو تعاقد بين المجتمع والدولة كيفاش نراو نظام الحكم والحقوق والحريات وكيفاش القواعد هاذي تكون دائمة للعيش المشترك، هذا الكل مش موجود هذاكا علاش نحنا لا لهذا التمشي وليس لا لمضمون الدستور... لن نخوض في مضمون الدستور والموضوع محسوم وهذاكا علاش خذينا قرارنا توة قبل صدور مسودة الدستور"...