وكان السؤال على النحو التالي: هل من الممكن أن تأتينا سلالات أخطر من الدلتا، وما هو مفعول التلقيح على المدى الطويل على هذه الطفرات؟.
وكانت إجابة الدكتور بوقيرة على النحو التالي:

" أكيد بش تجينا سلالة أخطر من الدلتا، هذا اللي علمهولنا الفيروس في العام هذا، أنو كل ما نعطيوه وقت كل ما يزيد يتحول كل ما يزيد يولي أقوى، كل ما يولي ينتشر أكثر وفتاك أكثر وكل ما يولي يهرب م المناعة، توة ولا عنا سلالة جديدة السلالة الكاليفورنية اللي تهرب م المناعة متاع التلقيح، شكون قال انت غدوة السلالة دلتا المهيمنة توة في تونس الهندية، شكون قال ما تتعلمش نفس الخاصية متاع الكاليفورنية وتولي تهرب من المناعة متاع التلقيح، ولا شكون قال الكاليفورنية ما تتعلمش الخاصية متاع الهندية وتولي تنتشر هي أكثر  وتقتل أكثر ومع الهروب من التلقيح، إذا قد مانا بش نخليوا الفيروس ينتشر قد ما بش يزيد يهرب من وسائل الدفاع اللي نصنعوا فيهم وبش يولي أخطر وبش يزيد يغرقنا"...