وأشار دبيش إلى أن التفكير في تطوير الفعاليات التنشيطية لاستقال السياح كان مطروحا حتى قبل حديث رئيس الجمهورية عنه.
وقال محدثنا:" استجابة لتوصيات الرئيس، عملت اجتماع عبر الهاتف البارح مع الإطارات، واليوم الصباح عملنا مع بعضنا جلسة عمل واستدعينا جلسة عمل، والقرار اللي وصلنالو حاليا هو إيقاف الأنشطة الفولكلورية اللي معمول بها إلى حد اليوم في انتظار برمجة متاع أنشطة بديلة لاحقا بصفة مضبوطة... وكمل جاتنا مراسلة من مدير ميناء حلق الوادي اللي قالولنا إنو يلزم إيقاف الأنشطة الفولكلورية فوريا...الفكرة متاعي في البداية كانت إنو انحي كل ماهو فولكلور طبال وزكرة ونخلي مثلا الجمل ولباس قرطاج، ومبعد تجينا مراسلة وقف الأنشطة الكل، لقيت روحي يلزم نوقف كل شي، الفكرة في التغيير كانت موجودة من قبل وتم التفاعل مع خطاب رئيس الجمهورية البارح... الرئيس البارح في خطابو ما عطاش أمر قال نوقفو كل شي، قال نمشيو في التطور، على خاطر يمكن الصورة هاذيكا قديمة، اللي معناها نحنا توة تطورنا في العصر متاعنا وكل شي ماعادش عنا إذن كان كي الصورة هاذيكا يلزمنا نحطو كان الجمل والفولكلور، إذن أنا ماللول فكرتي بناء على ما قالو السيد الرئيس، إني بش انحكي النشاطات الفولكلورية ومتاع اللي يجي يرقصوا وكل شي ونخليو مثلا حكاية الجمل، لكن أنا كي خممت في هاذايا وجاتني مراسلة رسمية تقلي ندعوكم إلى ضرورة التوقف عن الفعاليات التنشيطية التي تعتمدونها حاليا… توة ما عندي حتى بديل، إذن كي بش نوقف أنا كل النشاطات معناها كيف بش يجيني البابور نهار الخميس ما عندي حتى نشاط"...