وقال بن حميدة:" هو اللي بش يصير، الإجراءات الصعبة اللي بش تتخذ، وأحنا شايفينها جاية عندها مدة من نهار اللي الحكومة عطات الطوع لصندوق النقد وقبلت منو كل شي، لأنو عمرنا ما شفنا حكومة متذيلة لصندوق النقد كيما هاذي، والإجراءات هي الوصفة السحرية المعروفة متاع صندوق النقد، اللي بش تكون نتيجتها ارتفاع الأسعار، ونسب التضخم والبطالة نتيجة التفويت وإلا غلق المؤسسات العمومية، مقابل تفقير المواطنين بالضغط على الأجور وعدم تعديلها إلى غير ذلك، علاش يقولها سي مروان العباسي يقولها لحاجتين، أولا كان مشارك في الاجتماعات ويعرف بالتدقيق وقدام سكون الحكومة يلزم حد يتكلم، ثانيا لأنو سي مروان العباسي صحيح هو محافظ البنك المركزي التونسي لكن كي نشوفوه منين جاي، ماو جاي من غادي كان يخدم معاهم، يعرفهم مليح علاقاتو جيدة بيهم ويبدو أنو متبني للفلسفة متاع المؤسسات المالية الدولية بشكل واضح، أنا نقول المشكل مش في أنو الشي اللي يعلنو سي العباسي، المشكل هو أنو التوانسة كيفاش بش يقاومو الفترة الجاية اللي بش تكون صعيبة عليهم وصعيبة عالبلاد"...