وقال بن حميدة:" راهو أحنا في تونس نحبو نفصلو بين الزوز ملفات، لكن الفصل مش ممكن بين الملف السياسي والملف الاقتصادي، يأثرو ويتأثروا ببعضهم لأقصى درجة وبسرعة أكثر ماللي نتصوروها".
وأضاف كرنيكور البرنامج في سياق متصل أن أمين عام اتحاد الشغل نور الدين الطبوبي كشف أن المنظمة الشغيلة مستعدة للنقاش ومنفتحة حول كافة الإصلاحات بشروط، وهي العدل بين كل التونسيين الكل، الوضوح والإرادة والصدق، إلا أن الحكومة في المقابل لا تقدم أرقام دقيقة لشركائها الاجتماعيين إلى غاية اليوم حسب تعبيره.
وقال سفيان بن حميدة:" عنا مشكلة في الشفافية، وزير الشؤون الاجتماعية في تصريحو أش يقول، يقول عنا 736 ألف شخص في الوظيفة العمومية والقطاع العام ياكلو في أكثر من 46 بالميا من الميزانية، يقول القايل كي يقول وزير نصدقوه، لكن كي ترجع لديسمبر اللي فات، الميزانية التعديلية لسنة 2021، هذا آخر الأرقام اللي شفتهم، تقول اللي عدد الموظفين بالضبط بالضبط المرة هاذي، 661 ألف و703 موظف، هذا اللي قالوهولنا في ديسمبر اللي فات،ـ كيفاش يوصلو من 661 ألف لـ736 ألف، معناها فما 70 ألف اختلاف موظفين جدد في شهرين حاجة ماهيش معقولة"...