وقال بن حميدة:" حكومة الدبيبة والجانب التونسي، وكانت عندو تصريحات غير ودية بش نقولو هكا، لكن أسمع في العلاقات بين الدول المجاورة كيما تونس وليبيا وتونس والجزائر راهو من مصلحة الأطراف الكل فترات الشد والأزمة تأخذ أقل وقت ممكن لفسح المجال إلى علاقات تعاون واسع، الأكيد أنو ليبيا تعيش وضع خايب والأكيد أنو الدبيبة من مصلحتو بقطع النظر على الجوانب المبدئية، من مصلحتو يحسن علاقاتو بتونس، لكن الأكيد أيضا أنو الجزائر لعبت دور أساسي في العملية هاذي، وفما نتائج ملموسة على الأقل على 3 مستويات، المستوى الأول هو دفع الديون المستحقة لتونس اللي هي في المصحات 270 مليار في النقل الجوي أيضا، معناها كي نحسبو الكل نلقاو قريب 500 مليار وهاذي حاجة مستحبة في الظرف الحالي، الشي الثاني نقاط العبور المراقبة المزدوجة في نقاط العبور ومشاو حتى في إيجاد حلول للأسماء المتشابهة، النقطة الثالثة هو حرية تنقل السلع بين البلدين، وهاذي راهي تحل مشكلة كبيرة لأنو ديما التجارة البينية في المناطق الحدودية هي ديما فيها إشكالية في تونس وغير تونس، لكن قد ما تلقالها حلول بين البلدين المتاخمين قد ما تنقص مشاكل التهريب والمشاكل الأخرى".