وقال بن حميدة:" مسألة التمييز الإيجابي لفائدة المرأة مسألة يظهرلي تجاوزناها، والعودة إلى النقاش في الموضوع هذا، هي محاولة للتعمية، محاولة بش أنو نرجعو للوراء، وإي المرا إنسان كامل في الحقوق صحيح ومتساوية مع الرجل، هذا نظريا، لكن كي عندك واقع ذكوري كي عندك واقع متخلف جات الإجراءات التمييزية، هذا التمييز الإيجابي بش نحاربو الفكر الذكوري المستفحل في ثقافتنا العربية الإسلامية المتخلفة عن ركب الحضارة الإنسانية، شنحب نقول، نحب نقول اللي فكرة القانون الانتخابي الجديد هو تتمة لفكرة المرأة مكملة للرجل اللي جاو بيها الإسلاميين وحبوا يمرروها في دستور 2014، الواقع بقانون تمميز إيجابي لفائدة المرأة وصعيب تغييرو فما بالك إذا نحنا ما انصصوش على إجراءات لفائدة المرأة، القانون هذا اللي عملو رئيس الجمهورية وحدو، يعني يعبر على موقف رئيس الجمهورية من المرأة، وأحنا شفنا كيفاش رئيس الجمهورية كان عندو موقف سلبي جدا ومناهض لمسألة المساواة في الإرث بين المرأة والرجل، شفنا رئيس الجمهورية كيفاش تلاعب جنقل بين المفاهيم العدل والمساواة، قالك لا سيب علينا من المساواة أحنا اللي يهمنا هو العدل تقولش عليهم هوما في تناقض، وبالتالي رئيس الجمهورية يلتقي منطقيا فلسفيا نظريا وفكريا مع الإسلاميين في نظرتو للمرأة".