وقال بن حميدة:" أولا ما يلزمش المدنيين يتحاكمو في المحاكم العسكرية، ثانيا جدل أنو المحاكمة تصير من غير مرافعات ماهوش حلو.. ثالثا الأحكام اللي صدرت يبدو أنها أحكام مخففة جدا، نحكي كمواطن ملاحظ للشأن العام.. شفت الفيديوات متاع حادثة المطار في حينها، شنوة اللي شفناه، شفنا عباد صادمة على بوليسية بش يخرجو بالسيف مرا عندها علاقة بالإرهاب، وجودها في قايمة الاس 17 ليس اعتباطا، شفنا انو المرا هاذي سربات تاليفونها بالسرقة لنائب حطو في مكتوبو بالسرقة على البوليسية... يعني شفنا حاجات مرعبة ومبعد يجي حكم مخفف تقولش عليهم يحبو ينسيونا أنو حكم متاع محكمة عسكرية، حسب المقاييس الدولية ما كانتش محاكمة عادلة لأنو ما تمش الترافع عللى المتهمين، ثم في القضية هاذي بالذات فما ملف آخر في الاستئناف وكان من المستحسن أنو في قضية وحدة تصير محاكمة وحدة، ونحبو ولا نكرهو أي حكم بش يصدر عالمحكمة العسكرية مطعون في نزاهتو من الناحية الحقوقية".