وقال بن حميدة:" منظومة 24 جويلية اللي هي منظومة حركة النهضة، حركة النهضة تقعد وراء الستار وتقدم في الواجهة خماسة وصبايحية السياسة، لأنو الانطلاق كان بنص فيه 27 إمضاء ولا واحد فيهم من كتلة حركة النهضة، لكن الكلم كانوا بدرجة أو بأخرى في فترة أو أخرى حلفاء لحركة النهضة ونشتم من ذلك منذ انطلاق المشروع متاع الاجتماعات الافتراضية ريحة زفرة من أولها.. حركة النهضة كانت في تناسق مع تاريخها أنها تاكل القسطل بيد القطوسة، عملتو في حركة 18 أكتوبر في 2005، بعد الثورة عملتو مع الترويكا ومبعد مع نداء تونس ومبعد مع مشروع تونس ومع يوسف الشاهد ومع هشام المشيشي وحتى مؤخرا مع حراك مواطنون ضد الانقلاب .. الصبايحية هاذم في اللخر الكل حركة النهضة إذا ينجحوا هي تاخذ الثمرة الكل وتخليلهم الفتات وإذا يفشلو لا خاطيني أنا والدليل الاجتماع الافتراضي اللي ناوينن يعملوه بش يترأسو لا حركة النهضة ولا الحليف الأساسي متاعها قلب تونس، لا راشد الغنوشي ولا سميرة الشواشي واللي بش يترأسو طارق الفتيتي اللي يقول القايل ماهو ضد حركة النهضة لا مش صحيح".