وقال بن حميدة:" يقول القايل الفايسبوك معبي بالتدوينات أما هاو علاش نتوقفو عند تدوينة رفيق بوشلاكة... أولا لأنو مسؤول في حركة النهضة وينجم يقول هو كيما يحب، لكن السيد هذا صهر رئيس حركة النهضة، وزير خارجية سابق، وتدوينتو عندها طابع سياسي، يحب ولا يكره مهمة، ثانيا لأنو ينجم يكون يعبر على توجه داخل حركة النهضة، طيب، لكن حركة النهضة خرجت بيان، تقول فيه أنو راهو ما يلزمناش الكلام هذاكا، إي توة شكون نصدقوا؟، نصدقوا أنو رفيق عبد السلام ولا رفيق بوشلاكة هو مدون مستقل، رفيق عبد السلام، يعبر على عمق الموقف داخل حركة النهضة، وماهوش هو وحدو اللي أشار لنفس هذا الموقف.. فما إشارات سابقة حول وجود دبابات قدام مجلس النواب، إلى غير ذلك، هذا من عام وأكثر، من طرف قيادات من حركة النهضة، إذا هذا يعبر في العمق متاعو على موقف حركة النهضة، بيان حركة النهضة متاع البارح وتدوينة سامي الطريقي هي نراجع تكتيكي، لأنو اليوم المس من الجيش، قالوا سامي الطريقي مانيش متأكد أنو قالوا بقناعة، لكن بالنسبة للرأي العام التونسي، الجيش فعلا لحركة النهضة، وبالنسبة لحركة النهضة، التراجع التكتيكي هذا بالنسبة ليها بش تقلل الضغط اللي ينجم يتكون بعد تصريحات رفيق عبد السلام... في رايي أنو حركة النهضة داخل الحركة الإسلامية عاملتلنا كي العادة ازدواجية الخطاب واحد عاقل وواحد سفيه ونهار اللي نقلولوهم قلتلونا كذا يقولولنا لا رانا قلنا الكلام الآخر... بش ما يتشد عليهم حتى شي، وفي النهاية الكلام هذا تزامنو مع تصريحات متاع السيناتور كريس ميرفي مريب جدا ويؤكد وجود على الأقل لوبيينغ ما نقولش تنسيق، كبير برشا على حركة النهضة أنو يكون فما ننسيق مع قيادات أمريكية، أما على الأقل لوبيينغ"...