وقال بن حميدة:" في الحقيقة خطاب رئيس الجمهورية ليلة راس العام كان مختلف تماما عن خطاباتو السابقة، نتفكروا عمناول في نفس المناسبة رئيس الجمهورية حكالنا عالغرف المظلمة والمتآمرين، المرة هاذي كان رئيس مجمع، بل أكثر من هكا وعجبتني برشا، اللي الماضي كان في الماضي نقلبو الورقة ونفتحو صفحة جديدة، إن شاء الله أنا نكون صحيح، إنو فما رغبة نتجاوزو اللي صار ونفتحو صفحة جديدة،... إن شاء الله ما تكونش تأثير سحر السنة الجديدة، لأنو هو زاد قال تونس تتسع للجميع، مش لغة رئيس الجمهورية اللي استانسنا بيها، لغة جديدة هل تعبر فعلا عن رؤية جديدة وعلى الأقل على رغبة، هذا اللي نستناوه، خاصة الرمزية متاع مشى للانطلاقة لأنو بش تكون انطلاقة جيدة للعام الجديد، أحنا نتمناو أنو في أقرب وقت يمشي لحي الوفاق، بش ندخلو في مرحلة وفاق مواطني ووطني"...