وقال بن حميدة:" التساؤل مطروح شنوة معناها في نفس جلسة استقبالو لنجلاء بودن رئيس الجمهورية صحح على قانون آخر زادة اللي هو قانون مؤسسة فداء، القانون هذاكا نلقاوه موجود في الرائد الرسمي وقانون المالية مش موجود غريبة شوية... الغرابة موجودة، يعني أهم حاجة في لقاء قيس سعيد بنجلاء بودن قانون المالية وإلا لا، نجي في البلاغ متاع الرئاسة نلقاوه في آخر سطر... مثلا لو كان جاء العروي يقرا في البيان يقول أه حقا ماني فتكم بالكلام، ماهو رئيس الجمهورية صحح على قانون المالية، وهذا يعطي انطباع أنو رئيس الجمهورية صحح عليه وهو عاطيه بظهرو وإلا صحح عليه بيدو اليسار، يا ولدي حطو مالفوق حطو ماللوطة حطو وين تحب راهو صححت، وتنشرو توة وإلا نهار 31 ديسمبر رانا بش نعرفو آش فيه لأنو بش يتطبق علينا، إذن هات خير البر عاجله ونحكيو فيه حتى بعد ما يتنشر كيف ما نجمناش نحكيو فيه قبل ما يتنشر، ثم أنو نحبو ولا نكرهو كي صححت على قانون المالية راك صححت على ما تابعو، كيما يقولو اللي شد الصبع شد اليد الكل، كي صححت على قانون المالية راك قبلت بشروط صندوق النقد، تاو نشوفوه القانون"...