وقال بن حميدة:" يلزم نعرفو أنو رئيس الجمهورية في تونس وفي غير تونس ومش رئيس الجمهورية بركا، بعض المناصب، وقتلي يتكلم ما نحبش نستعمل لا ينطق عن الهوى، لكن وقتلي يتكلم وقتلي يقول، قرارو هو فعل، مثلا رئيس محكمة وقتلي يقول باسم الشعب حكمت المحكمة سجن فلان، هذاكا بش يبات في الحبس، إذا المنطوق متاعو هو فعل، رئيس الجمهورية المنطوق متاعو هو قرار، ما ينجمش يقول يلزم نبدولوه هالقانون مبعد ما يتبدلش، ماهيش دردشة، ماهوش قاعد يشرب في كابيسان في المنيهلة، رئيس جمهورية يحكي في جلسة رسمية مع رئيسة حكومة، يزينا ما نلقاولو في تعلات، اللي يقولو هو قرار في انتظار النص القانوني الذي يسمح له بالتطبيق، في حالتنا الآن، الرئيس خلوضلنا اللوجيسيال الكل، لأنو هاو نعطيوكم التناقض متاعو هو بيدو، ياخي انتخابات 17 ديسمبر مش أنو قالها في كلام وبرة، وبش تتعمل في 17 ديسمبر لأنو قالها ما خرجش فيها نص، ما فيهاش نص فيها تصريح، يعني تصريح نطبقوه وتطريح ما نطبقوهش، التاريخ متاع الانتخابات هبط مبعد في الرائد الرسمي بعد دعوة الناخبين"...