وقال بن حميدة:" الأطراف اللي رافضة الحوار أولهم رئيس الجمهورية رافض الحوار مع جميع الأطراف مش الأطراف الاجتماعيين أكهو، الأحزاب المعارضة والموالية، والإعلام، وخذات عليه الحكومة اللي هو عينهم... آخر مشطرة جاتنا اليوم الصباح مالمفروض رئيسة الحكومة تمشي تقدم برنامج الإصلاحات في دار المؤسسة ما مشاتش وما قالوش علاش، المسألة مسألة احترام للناس اللي قدامك، مسألة أساسية نحن في دولة لا تحترم مواطنيها، وانجم نعطيك ليستة طويلة اللي الدولة تستهين بجميع المواطنين بجميع فئاتهم... البارح الرائد الرسمي خرج فيه اللي تونس تحصلت على هبة وعلى قرض من الجزائر... الساعة كيف مشات رئيسة الحكومة ما قالتلناش، علمت عرفها وانتهى الموضوع، أحنا كراي معاهم في البلاد هاذي، قالوا رانا خذينا فلوس باسمكم وما قاللناش كيفاش وقداش، على الأقل قوللنا كيفاش بش ندفعوهم هاذم، بالنسبة للأجيال القادمة"...