وقال بن حميدة:" في موضوع النفايات وبسرعة بسيطة، السؤال هو هل أنو بتنحية والي صفاقس بش يتحل مشكل النفايات، شنوة معناها أنو يتنحى والي صفاقس ويبقى رئيس بلدية صفاقس اللي كان موجود قبلو، وهو معاه بدات مشكلة النفايات ولا تزال، وشنوة معناها يتنحى والي صفاقسي ووزيرة البيئة اللي هي موجودة قبل والي صفاقس تبقى في مكانها، يعني في قضية النفايات ما تنجمش تكون والي صفاقس هو الشماعة، عيب، أنا نعتبر اللي صار الكل ماهوش معقول، لأنو قبل كيفاش كانت تصير، الساعة التعيينات كانت تصير بطريقة موجهة والناس تعرف بعضها خير، ثم أنو وقتلي يتنحى واحد وإلا تتم إقالتو على الأقل نحكي في وقت بورقيبة قبل ما يشتد بيه المرض، كان يستقبل السيد الوالي ولا المسؤول الكبير اللي أقالو، يستقبلو هو في القصر ويشكروا على الخدمات اللي قدمها... بن صالح حالة استثنائية... أنا شخصيا حضرت نبدى قاعد في مكتب مسؤول من المسؤولين ينجم يكون وزير وإلا مدير عام، يقلي سفيان بربي جاء وقت الأخبار متاع ماضي ساعتين خلي نسمعو كل شي ممكن، هو بيدو ينجم يسمع بإقالتو وإلا تسميتو في بلاصة أخرى عن طريق الإعلام"...