وأضاف محدثتنا، أن بن غربية تعرض لمظلمة كبيرة، مشيرة إلى أن جميع أفراد العائلة قد تأثروا بما يحدث له، ولا سيما طفله الذي فقد والدته السنة الفارطة ليجد نفسه الآن بلا أب أو أم حسب تعبيرها.
وفيما يلي أبرز ما جاء في مداخلة منى بن غربية:

"تقريبا عندو شهر دخل في إضراب جوع وحشي، ماء بلا سكر
وضعيتو تدهورت الغادي من جدا، آخر مرة زرتو ما عقلتش خويا، خويا ولا لونو أزرق، جلدة على عظم ولا، بالسيف ما يتكلم، يتكلم بصعوبة، أفكارو مشتته كي تراه تحسو في حالة عجز ويأس كبيرة، فما إحساس متاع ظلم وقهر كبير ياسر.
منذ 14 ديسمبر تم الإفراج عليه وحفظ التهم الكل، اللي هي تبييض الأموال والتدليس، غير أن النيابة العمومية استأنفت في نفس اليوم، وعملو التحاليل المالية والخبراء وتقارير لجنة التحاليل المالية والبنك المركزي وما لقاو حتى شي، لين تعداو 180 يوم مالمفروض بعد 6 شهر مالايقاف التحفظي ما لقيت عليه حتى شي سيبو يروح، حتى كان تحب تكمل تحقق معاه، ما تحبش تسكر الدوسي، حقق معاه أما خليه يروح، خاصة اللي حالتو النفسية متردية للغاية حالتو الجسدية ما نحكيوش عليها، ولدو حالتو ياسر صعيبة، الظروف اللي تعدا بيها عمناول فقدان مرتو يرحمها، ما نتصورش اللي مهدي بن غربية يشكل خطر يهدد الأمن القومي.
هو متمسك بإضراب الجوع خاطر دخل في حالة يأس كبيرة ياسر وحالتو النفسية متردية مصاب باكتئاب كبير ياسر، معادش يخمم بعقلانية، حكينا معاه، ويعلم ربي بحالنا العايلة كاملة وخاصة على روحو وعلى ولدو، فقد أمو عمناول والسنة لا بو لا أم مظلمة وحتى حد لا يرضى الظلم هذا".