وقال شعبان خلال حضوره في برنامج في 90 دقيقة على إي أف أم:" أنا مع مسار 25 جويلية والآن نحتاج إلى تبسيط وتهدئة، هايجة أكثر ماللازم، قلت أني نشارك لأني دعوت للاستفتاء ترجع لتدويناتي القديمة من عام 2014، قلت الدستور هيكليا لا يمكن أن يدوم، لأنو هو يأسس لخلافات ومادامش وقلت أنو الدستور مغلق لا تنجم تعدي بصورة طبيعية الإجراءات مبسطة، ولا تنجم تحل البرلمان, وحتى العودة للاستفتاء كانت مسكرة ما تنجمش ترجع لاستفتاء إلا اذا يوافق مجلس النواب، ودعوت حتى للفصل 80 في وقت الباجي، ولذلك أنا لا يمكن أن أرفض الاستفتاء... الآن فما حاجتين، فما منظومة قديمة انتهت وأنا مع انتهاءها وأعتقد الناس الكل كانت مع ذلك ويكذب عليك اللي يقلك مانيش معاها لأنو قبل 25 جويلية الناس الكل كانت تنظر إلى ماهو موجود لأنو من الأسباب اللي أدات للعشرية الصعبة هاذيكا هو الدستور نفسو، الخروج من المنظومة والآن ما سيأتي جديد مهما كان سيكون أفضل من السابق، والمرسوم 117 عطا الخطوط العريضة، وكنت قلت أنا مع النظام الرئاسي والتصويت على الأفراد، بش تغير المشهد السياسي والمرسوم متاع ال117 يعطي نظام رئاسي ويمشي في هذا الاتجاه، قد يكون أشياء ما نعرفهاش تأتي في الدستور قد أخالفها لكن إيجابيا أنا أصوت مع ثم نحاول أن نعدل إذا فما ضرورة للتعديل فيما بعد".