وقال الكحلاوي:" يلزمنا نحطو المسألة في سياقها وتحديد سمير الشفي ومن جملة قيادات أخرى في الاتحاد هو مالناس اللي مش ممكن تصنيفهم من معارضي 25 جويلية يعني عموما هوما مساندين وبشكل قوي لقيس سعيد مع بعض التحفظات عموما موقف حركة الشعب... الحاجة اللي هنا كي تسمعهم تقول في اللخر بالرغم من المساندة السياسية الضمنية والنقدية، اللي أنو فما حاجات تمس الشقف، الاتحاد كي يولي الموضوع متعلق بمسائل رئيسية وهيكلية في الاقتصاد وإمكانية سياق اجتماعي فيه برشا احتقان، وإمكانية معنتها اتفجار وخروج للشارع يولي يمسلو الشقف، ما عادش يولي المساندة السياسية النقدية لقيس سعيد تولي مش ممكنة ويتم فيها تناقض مع دورو الموضوعي الطبيعي، أصل وجودهم اللي هو معنتها الدفاع على الجانب الاجتماعي، قد ما بش يعملو تعديل في الجانب السياسي فما حاجات كي تتمس ما ينجموش، وشفنا أحنا التصريحات المتواترة متاع قيادات الاتحاد وحتى كي النهار في إحدى الندوات المكلف بمكتب الدراسات في علاقة بملف صندوق النقد الدولي عبد الرحمان اللاحكة سمعتو قال اللي في النهاية فما حاجات ما انجموش المؤسسات العمومية ما نعرفو حتى شي والدعم ما نعرفو حتى شي، وممكن كي تقابلو مع صندوق النقد الدولي ممكن يقلك سمعنا تفاصيل أكثر ماللي سمعوه ربما مالحكومة، أنا السؤال لأنو مرة الحكومة قدمت برنامج للاتحاد، هل البرنامج هذاكا فيه تفاصيل وإلا لا؟، في اللخر المهم أنو البرنامج اللي قدمتو الحكومة لصندوق النقد الدولي... واضح الحكومة لا تريد أن تكون شفافة حول تفاصيل الاتفاق".