وقال الكحلاوي في سياق متصل:" في الموضوع متاع كتابة الدستور عنا زوز احتمالات، اختيار صادق بلعيد بالنسبة ليا هو احتمال أنو قيس سعيد بش يخلي طبقة ظريفة عاللخر مع النخبة، حتى مش النخبة الكل متاع القانون خاطر أغلبية نخبة القانون كي نقرا كي العريضة اللي مصحيين فيها عياض بن عاشور وسليم اللغماني وغيرهم، نقول شكون قعد معاهم القانونيين؟ بالحق ولات أقلية في القانونيين، وزيد كملو العمداء يقلك خويا أخطانا ... قعدتلو شعرة معاوية مع النخبة، تتمثل في الصادق بلعيد والعميد بودربالة وبعض القانونيين، الصادق بلعيد شنوة ينجم يعمل هل ينجم يعمل وين نقطة الاختلاف وين ينجم يعدلو قيس سعيد، ينجم يعدي النظام القاعدي هل كان يجيه دستور فيه نظام رئاسي بالرغم اللي الصادق بلعيد كي كتب في المغرب عندو مدة 6 ولا 8 أشهر، كتب قال أنا عندي مشكلة مع النظام الرئاسي مش هو أفضل نظام لكن أنا في تقديري بش يمشي في نظام رئاسي كان يجي نظام قاعدي بش يقول لا واضح، هل بش يجرى صدام غادي ولا هل قيس سعيد بش يلز الصادق بلعيد كيما لز بقية النخبة للتركينة للزاوية ويقلو هاو بالنظام القاعدي وتصحح عليه ولا صادق بلعيد يقلو لا ويسكر الباب، أنا نقول بش يسكر الباب احتمال، علاش على خاطر أولا البارح بدا أول مرة صادق بلعيد بعد بجمعة بدا يحضر في إمكانية الكلاش البارج يخاطب في قيس سعيد قالو تمسني نخرج، خاطر الصادق بلعيد في داخل داخلو عمرو ما خبا نظرتو السلبية لقيس سعيد، كاتب مقال دوب ما صارت الانتخابات الرئاسية في الجمعة اللولى متاع أكتوبر في مجلة ليدرز، يقول نبيل القروي وقيس سعيد كيما زوز وحوش أسطورية يونانية واحد اسمو سيلا ولاخر اسمو كاريبديس، قال زوز وحوش أسطورية مضرة بتونس هاذيا بعد 3 أسابيع من انتخاب قيس سعيد، شارك في ندوة لائتلاف صمود اللي توة اتصل بيه قالو أعملي تنقيح عندها أشهر لتالي عمل خطاب في اتجاه قيس سعيد والناس خاصة جماعة حملة المفسرين سلبي وسلبي جدا، إنو الصادق بلعيد ينجم يقول موقف سلبي تجاه قيس سعيد ماهياش حاجة مفاجئة"...