وقال الكحلاوي:" مسألة أنو تونس في وضع غير متكافئ مع الجزائر هذا الأرقام الاقتصادية تقولو، تبعيتنا للغاز الجزائري إلى آخره، لكن مش لدرجة تطبيق التعليمات، فما نوعا ما هامش، معقدة شوية الحكاية، لكن نرجع توة للتصريح متاع الرئيس الجزائري، واضح اللي فما دعم لقيس سعيد مش جديد قديم وعندو فترة، لكن دعم بمسافة وشروط، هذا الموقف الجزائري عموما، التوصيف متاع تبون لقيس سعيد اللي فيه 3 أشياء، نزيه ومثقف معناها بعيد على جماعة السياسة مش متسيس، وقومي وهنا أهم رابط بين تبون وقيس سعيد وتعرف مهم برشا، أول مرة شخص معروف عربيا وزعيم إقليمي يسمي قيس سعيد قومي، بمعنى قومي عربي لهنا، مهم جدا، وهنا نتلقاو في النظرة الشاملة للمنطقة، لكن في المقابل آش قال، قال مش كان هو المحترم، المحترم زادة بقية الطبقة السياسية التونسية، لهنا رسالة متاع راهو الزوز رانا عنا نفس المسافة، ونحنا ما نتدخلوش أما كي تعيطولنا في كل وقت، معناها رانا انجمو نكونو وسيط، هاو الفكرة يعني إذا كان داخلين على أزمة كيما كنا في الحوار الوطني متاع 2013، وهذا كأنو إشارة لأنو ماناش واثقين اللي صديقنا النزيه والمثقف والقومي قادر على الحفاظ على استقرار جارنا المباشر وهذا يقلقنا، ورانا نحترموه كيما نحترموكم انتوما يا معارضة قيس سعيد، لكن ما نتدخلوش لكن نتدخلو إذا كان تحبونا نكونوا وسطاء، الموقف الجزائري يعبر على نوعا ما تخوف وقلق من الوضع العام اللي يخليهم يقولو للطرف المعارض أسمعوا راهو ما توصلوهاش للصعدة، انجموا ندخلو في الوسط وانجمو نحلو"...