وقال الكحلاوي:" جميلة مالناس اللي كانت معروفة حية ديما تناقش ومعروفة بالاستقلالية متاع مواقفها حتى داخل الإطار السياسي متاعها وتجادل وتناقش على أي موقف، كانت متميزة أنها تحكي مع الناس الكل في البرلمان في النيابات البرلمانية اللي عملتها الله يرحمها كانت معروفة أنها منفتحة وتحكي مع الناس الكل، وثم الحاجة الأخرى اللي هي تميزها في القانون اللي ضد العنصرية ضد خواتنا من إفريقيا جنوب الصحراء، عمليا هي اللي خدمت عليه، القانون هذاكا تنجم تقول متاعها ولدها وليدها، حتى بنتها معروفة في الأوساط اللي تنشط ضد العنصرية ضد الأفارقة جنوب الصحراء.. أنا نحب نقول اللي جميلة الكسيكسي في النهاية هي المثال على أنو مش كل النواب خايبين، جميلة الكسيكسي ومش لأنو توفات توة وبش نترحمو عليها، هي المثال متاع أنو كيفها كيف غيرها كيف مجدي كرباعي، فما عديد النواب اللي وراو أنو المشكلة مش في النواب في حد ذاتهم، كيما فما نواب باهيين فما خايبين، مش في السياسة في حد ذاتها، فما سياسيين باهيين وفما... مش في البرلمان في حد ذاتو فما برلمان ينجم يلعب دور وفما برلمان ما ينجمش يلعب دور، يعني هي مالناس النوارات خنقولو في العشرة سنين اللخرانين".