وقال الكحلاوي:" المفروض ما يكونش إعلام المعنيين بالدعوة في سياق رد على هل الأحزاب مدعيين ولا... يبدو اللجنة اللولى اللي بش تخدم لجنة العميد بودربالة وعن طريقها هي وجه الصادق بلعيد الدعوات لكن يبدو اتصل فعلا العميد بودربالة بالناس اللي وقع الإعلان عن أسماءها البارح، لكن أنو يتم الإعلان بالشكل هذا في هامش الحديث على وجود أحزاب يظهرلي مالبداية خلق نوعا من الارتباك، على خاطر توة أحد الإشكاليات الأساسية متاع المسار هذا متاع الحوار الوطني هو اعتذار جزء مهم عالمدعوين ليه رغم إصرار الرئيس على دعوتو، يعني بعد إعلان الاتحاد على عدم المشاركة يصدر اسمه في الرائد الرسمي، وبالاسم نور الدين الطبوبي، مرة أخرى تقريبا نفس السيناريو يقع الإعلان بنفس الشكل ما نعرفش منظم كان مبرمج مش مبرمج ما نعرفش، ثم تبدا الديمينو متاع زوز إما المشاركة أو عدم المشاركة والتردد إلى الدرجة أنو فما أحزاب عندها أشهر تطالب بالحوار توة مازلت مش متأكدة بش تشارك في الحوار ولا، يعني تخلق سياق في النهاية اللي كاينو فما انسحاب مالحوار حتى من بعض الشخصيات اللي ممكن تكون في الأصل موجودة في المسار هذاكا".