وتوجه الكحلاوي بكلامه إلى الرئيس مشيرا إلى وجود فرضيتين فقط تتعلقان بهذه المسألة.
وقال كرونيكور 90 دقيقة في حديثه عن الفرضية الأولى:" انت توة قاعد تتهم في القضاء إنو متواطئ مع الإرهاب، انت كسلطة تنفيذية رئيس الجمهورية وبجنبك وزير الداخلية قاعد تقول عنا ملفات ومعطيات تجرم فلان الفلاني لكن القضاء سيبو معناها القضاء متواطئ مع الإرهاب.. يا أخي كي المسألة خطيرة لهالدرجة، فما زوز احتمالات، يا إما تحط فوق الطاولة تعمللنا ندوة صحفية تقول الوضع خطير والأمن القومي وهاو الدوسيات اللي عنا وشوف القاضي الفلاني وندعو المجلس الأعلى للقضاء للتحري في هذا الموضوع".
وأما الفرضية الثانية فتتمثل حسب الكحلاوي في أن يكون هدف الرئيس هو توظيف هذه المسألة في إطار الضغط على القضاء، قائلا:" الفرضة الثانية هي توظيف لهالموضوع في إطار الضغط اللي عاملو على القضاء في إطار التحضير الأرضية لطرح القانون 67 مرة أخرى، اللي فيه تدخل السلطة التنفيذية في القضاء وبسط نفوذها عليه واللي مش بش يكون إصلاح للقضاء".
كما دعا كرونيكور برنامج 90 دقيقة بالمناسبة وزير الداخلية توفيق شرف الدين إلى تقديم معطيات حول محاولة الاغتيال التي استهدفت رئيس الجمهورية منذ حولي شهرين أو ثلاثة قائلا:" بالمناسبة يزيد يكمل يقوللنا محاولة الاغتيال اللي صارت توة عندها شهرين وإلا 3 شهور شنوة صار فيها، ياخي إلى حد الآن عنا مسألة بهذه الأهمية لا يوجد أي معطى حولها، ما تقليش التفاصيل اللي تراها تنجم تضر بمسار التحقيق الأمني، أما أعطيني على الأقل شدينا فلان ورانا فككنا خلية، وهذا دور وزير الداخلية...".