من جانبه قال طارق الكحلاوي:" الرئيس تحمل السلطة من ألفها إلى يائها بالمرسوم 117 ... حتى في المجالس الوزارية ما تركزش على الملف الاقتصادي توة موضوع رئاسي متاع مجلس وزاري البارح، مجلس وزاري في الظرف الاقتصادي هذا نجي النقطة الوحيدة في المجلس الوزارية لجنة استشارية متاع الدستور والوضع الاقتصادي الكل شنوة والنقاش حول الفائدة المديرية ما يهمكش؟، الأمر 117 علاش تعمل فيه علاش متحمل السلطة إذا كان مستثني الجانب الاقتصادي والاجتماعي، الاقتصادي والاجتماعي قلب السلطة وقلب السياسة".
أما الرقيق فقد قال:" العنصرين اللي تحطو في المجلس الوزاري البلاد قامت وقعدت على خاطرهم وقتاش الحوار الوطني كيفاش الحوار الوطني كيفاش تسجيل الناخبين وقتاش الاستفتاء نهارت اللي تطرحو يا طارق... المسائل الاقتصادية موجودة ضمن جدول الأعمال اليومي في الاجتماعات اللي ماهياش معلنة في الملفات اللي على مكاتب الوزراء وفي الخدمة اللي تطور كل يوم في إنتاج الفسفاط واللي تعاود تستقطب في المستثمرين، مش يقعد في مجلس وزاري يقول سننرفع في الواحد وسنقلص من كذا، الحكومة تخدم خدمتها وهو عندو خطوط عامة يوجههم للشعب في الاستحقاقات الضرورية اللي على رأسها توة الحوار الوطني والاستفتاء وتسجيل الناخبين".