وقال الكحلاوي :"الفكرة في حد ذاتها موجودة حتى في اتفاق 15 أكتوبر مع صندوق النقد، العدالة الضريبة موجودة في إصلاحات صندوق النقد... الرئيس يحب يعوض الإلغاء التدريجي لصندوق الدعم، كأحد شروط صندوق النقد الدولي... يحب يعوضها بفئات معينة في الضرائب خلي نقولو اللي يخلصو أكثر من 30 مليون في العام اللي عندهم شركات ضخمة، تولي ضريبة على الثورة، في عوض ما انحي جزء من الدعم بش ناخذ تمويل يولي تمويل من الداخل... الحاجة اللي نحب نسأل عليهم، كمبدأ يتناقش، أناهي الفئات وهل يستوجب مراجعة كاملة للضريبة... الرئيس ما نتصورش بالصدفة جاتو الفكرة بعد بنهار ماللي قابل الأساتذة الجامعيين، علاش مش ماللول عمل اللقاءات هاذي مع المختصين في الاقتصاد... يلزمو يقعد مع الناس، ونستغرب مرة أخرى علاش ما فماش معهد الدراسات الاستراتيجية، هوما الوسيلة متاعو بش يخدم، إن شاء الله بعد ما قال مبدأ العدالة الضريبية ما يقعدش في الاستشهادات بعمر بن الخطاب وأكهو، يلزم تكون محسوبة المسألة".