وقال الكحلاوي:" حتى في الاقتراع الفردي بدون ما يكون عندك إشعاع وطني صعيب برشا بش تتعدى مالدور اللول، لهنا مش بالصدفة أنو بودربالة في رادس يتعدى مالدور الأول، مش هكاكة صارت صدفة، المرشح الآخر اللي قدامو عندو حيثية متاع نظام سابق كان شادد شعبة مهنية في أحد المؤسسات العمومية، والآخر أصلو من مقرين مش بعيد برشا عالجو هذاكا، مثال بش نوريك اللي في اللخر شنوة اللي خلاه يزيد، كان جاو مرشحين عندهم إما حيثية وطنية هوما كأشخاص مستقلين، أو يتبعو أحزاب عندهم حيثية وطنية، يعني عندهم امتداد وطني كبير وأهمية كبيرة، كيف دستوري حر كيف نهضة كيف تيار، كيف كذا كيف كذا، بش تختلف اللعبة وقتها، يعني لهنا أحد المساوئ الرئيسية لنظام الاقتراع على الأفراد مش لأنو نظام اقتراع فردي بل كي يعملو قيس سعيد بالطريقة هاذيا، أنو عمل مقاربة فردية من 25 جويلية 2021 اللي حط فيها الأحزاب الكل على جنب، إقصاء ضمني للأحزاب أو إقصاء سياسي مش بالقانون"...