وقال الكحلاوي:" قلت اللي ما فماش خطة بديلة، وعندي توة اشهر نقول يا رئيس عندكش خطة ب، ونكعررو ونعاودو، توة عنا تصريح مهم جدا من مساعدة وزير الخارجية الأمريكي... عندك منهم موقف الأمريكان تحبهم، تكرههم موضوع آخر، أنا نحكي على الخبر توة، المعطى، فاش يتمثل المعطى زوز أشياء مهمين جدا جدا جدا، واللي قاعدين نحكيوا فيهم ونقولو فيهم أما عناش حتى سند رسمي، توة عنا سند رسمي مش من أي طرف، من الطرف اللي يتحكم في صندوق النقد الدولي، يعني ما فماش قرض مهم يتعطى في صندوق النقد الدولي دون ما توافق عليه الولايات المتحدة، هذا تاريخيا، الولايات المتحدة هي اللي أسست صندوق النقد الدولي والبنك الدولي، الاتفاقات اللي جات بعد الحرب العالمية الثانية في إطار تصورها الاستراتيجي الجديد للعالم، آش قالتلنا، قالتلنا زوز حاجات، اللي معطل الاتفاق هو قرار سيادي للحكومة التونسية، ونحنا فاش قاعدين نقولو، عدم إمضاء الرئيس على القانون متاع المؤسسات العمومية، هذا تأكيد لهذا الساعة، اللي المسألة مش هوما ما يحبوش يعطيو، انتوما وافقتو على اتفاق الخبراء في 15 أكتوبر ومبعد ما نفذتوش الالتزامات متاعو ومنهم السطر الواضح في اتفاق الخبراء متاع قانون جديد حول المؤسسات العمومية، الحاجة الأولى الرئيس، الحاجة الثانية الولايات المتحدة ماعادش نحنا، الأمريكان اللي عندهم صندوق النقد الدولي قاعدين يغزرو للرئيس راهو إذا كان ما تعملش إصلاحات ممكن الوضع الاقتصادي يدخل في حيط، كيما قالو الطلاين والأوروبيين، انهيار، وتصير هجرة غير منظمة وكذا، عندكش خطة باهية يا سيد قيس سعيد؟، أنا لاحظت حاجة بين قوسين، مانيش عارف هل تم لقاء بينهم وبين الرئيس؟، ما تمش حسب البلاغ الرسمي متاع السفارة ما فماش، هل تم لقاء بينها وبين وزير الخارجية التونسي نبيل عمار حسب ما شفت ما تمش، إذن هنا أحنا دخلنا في وضعية مثيرة للاهتمام، اللي عمليا شبه قطيعة رسمية، خاطر بين تونس والولايات المتحدة، خاطر تجيك مساعدة وزير الخارجية الأمريكي لتونس وما تقابلش حتى مسؤول رسمي عالي المستوى... وخرجت من ضبط النفس وقالت أنا نحب توة نتوجه كتونسي، نحطو هذا الكل... أنا اللي يهمني الخبر والمعطى، أنا كمواطن تونسي نتوجه للسيد الرئيس: قيس سعيد عندك خطة ب وإلا لا، انت جاوك جماعة صندوق النقد الدولي قالولك رسميا هنا في تونس راك انت لازمك تصحح كي الوريقة، ماكش بش تصححها مشكلة ماناش بش نعملو اتفاق، وقالولك هوما، راهو يلزمك خطة ب، ماكانش بش تصير هجرة غير منظمة، وداخلين في الواحد، هل للرئيس خطة ب، أو الرئيس في سياسة حافة الهاوية، بمعنى أسمع ما تعطيونيش... خلي نحرموها على الناس الكل، خلي هجرة غير منظمة وفوضى... أشهر وأنا قاعد نقلو عندك خطة ب قولهالنا ونشدو الصف وراك، تونس، خلي نشوفو الوضعية هاذيا باهيش راهو بلاد ماهيش لعبة، تعارض قيس سعيد ما تعارضوش، ما فما حد في مصلحتو، حتى معارض شخص بعقلو يقول لا البلاد يلزمها تدخل في حيط، ما يلزمهاش تدخل في حيط ما حاشتناش بالفوضى، فسرلنا سيد الرئيس البلاد راهي في ذمتك في عهدتك، قوللنا إذا كان فما خطة ب فما، إذا كان ماشي في سياسة حافة الهاوية متاع المخاطرة ومتاع لا وكي بش نوصل للخر لا بش يدزو ومبعد يعطيوني الفلوس راهو ما هوش مضمون، البارح اللي قالتهولك، هي جاتك لهنا قالتلك ماهوش مضمون حافة الهاوية".