وقال الخلولي:" سمعتو سفير أمريكا، والحقيقة نقول كاد المريب أن يقول خذوني، وأحنا نقولو في تونس المجراب تهمزو مرافقو، وهذا جاء بالحق بش يقول راهو الكلام اللي يقولو فيه علينا وكونو نعطلو في المفاوضات وفي اتفاق صندوق النقد الدولي، لا أنا ولا اللوبي اليهودي ولا حتى واحد راهو خاطينا الشي هذا الكل، أحنا راهو بالعكس نعانو في تونس، أحنا قاعدين بش نقولو لصندوق النقد الدولي ضروري أنو تمنح القرض هذا لتونس، لأنو علاقاتنا وطيدة وقديمة وأحنا نحبو تونس، هذا اللي يحب يقولو أما شكون بش يصدقوا؟، ما نتصورش الشعب التونسي مازال يصدق الناس هاذوما لأنو نعرفو الغرب... بالنسبة لينا أحنا، مسار الذهاب إلى صندوق النقد الدولي هو مسار كان اتخذ فيه القرار من طرف الحكومة ومن طرف حتى رئيس الجمهورية، لأنو مسار ضروري ما فيهوش كلام باللي نختلفو فيه مع الاتحاد، تبقى دوب ما مشينا وعملنا اتفاق الخبراء وبدينا في المداولات هبطت علينا الناس الكل، على أساس من أجل الابتزاز ومن أجل إخضاعنا من أجل أنو يقولولنا أنو ما انجموا نساعدوكم وما نمشوا معاكم إلا ما ترجعونا للـ24 وإلا ما ترجعونا للمسار الديمقراطي، الديمقراطية المزيفة متاعهم، اليوم يتضح أنو فما تغيير في المواقف، أنو جاء واحد يحب يبرأ نفسو..."