وقال العبيدي:" الخطوة اللي تاخوها تونس سواء كان مباشرة أو بوساطة إيجا نحكيوا مع بعضنا، إيجا نطوقو هالمشكلة هاذي لأنو التمشي متاع تونس ومتاع المغرب ينطلق من مصلحة كل دولة... أعتقد هناك من الحكمة ومن الكفاءة إذا كان نمشي للجهات اللي بالمجد تنجم تطوق، من الحكمة والكفاءة والروابط الأخوية المتينة بين الشعبين والدولتين يسمح بتطويق هذا المشكل لأنو تونس لا عندو فيالق بش تهزها تحرر الصحراء ولا عندها وزن اقتصادي اللي يؤثر في مجرى الأمور كل ما في الأمر أنو إشارة وقعت سيد الرئيس كنا ما نستقبلوش حتى حد لا هو لا غيرو ونتحاشاو الأمور هاذي، هذا ما يعنيش أني نحمل المسؤولية على تونس لأنو حتى في الحالة هاذي كانت تنجم زوز تاليفونات هذايا بعث العلاقات لأنو كي يبداو زوز من ناس أنا شفتهم وعشت قريب منهم وزراء خارجية... يهز التاليفون الحبيب بن يحيى ولا وزير الخارجية سي الحبيب الشطي ولا وغيرو يكلم صديقو يا فلان وكذا وكذا وفيسع فيسع وتتطوق العملية ما نخليوش الحضبة تكبر وتفلت علينا الأمور وما عادش انجمو نسيطرو عليها وقتلي يدخل الجمهور ويولي هو يسيطر عليها ونوليو نحنا نتبعو الأهواء مش المعطيات والمعلومات إلى غير ذلك، بحيث العلاقات متاع الدولتين تقتضي أنو نقربو من بعضنا ونفكو الملف من الشارع ونرجعوه للمستوى اللي يليق بيه ونطوقو الخلاف على مستوى القيادة متاع البلدين في أعلى مستوى".