وقال عبو خلال حضوره في برنامج في 90 دقيقة على إي أف أم، :"ما عادش يهمني ياسر قيس سعيد مأيس منو... عندك عام وشهرين بصلاحيات متاع دكتاتور تعمل اللي تحب وتنحي اللي تحب انت وبهذا الكل وفشلت وكاينو يبلغ في رسالة للتوانسة كونو ما فيها ما يتصلح يغلط فيكم قيس سعيد فيها ما يتصلح ... شنوة الملف المهم اللي عملو في علاقة بالفساد متاع الأحزاب السياسية ملف انستالينغو أنا نؤمن شخصيا اللي هذاكا ملف جدي، شنوة الملفات الأخرى المهمة ياسر اللي أثارها ... كان يقولولي والله فما شكون يتآمرو عليه على مستوى القضاة، نحب نقلكم حاجة التوانسة راهو يغلط فيكم ما فماش قضاة يعديلهم ملفات فساد وما ينظروش فيها، فما قضاة عندهم ما يكفي من الاستقلالية وهوما قلة يقلي شنوة تحطلي الناس في الحبس ما نحطهمش واذا لزم أطرد من خدمتي... كان قيس سعيد يحيلك انت خلود على أي موضوع في قضية كانت بش تلقا روحك في الحبس خاطر القضاة مرعوبين ... الأغلبية متاع القضاة ما عدا النظاف ماشين معاه وإذا قالكم القضاء يعطل فيا راهو يغلط فيكم، وإذا قالك الداخلية تعطل فيا راك بدلت المديرين العامين الكل شكون اللي مازال عندو ملفات ما عطاهالك...وقتاش يخرج يفسرلنا علاش ما يحبش يحل ملفات جدية... أول شي أول ما تضرب الفساد السياسي ... ابدا انت بش تنظف السياسيين... راني عمري ما قلت الفساد أقوى من الدولة قولوهالي بعض الصفحات، إذا أقوى مالدولة راهو شرا الحكام، أما انت عندك أمن وحرس، وحتى اللي ما يحبش يستجيب بدل وتاو تجيب ناس أخرين والباهي والخايب في كل بلاصة".