وقال محمد عبو:" ماهوش بش يتغير حتى شي في المناخ السياسي بعد القمة الفرنكوفونية، إن شاء الله تونس تستفيد منها، ديما تبقى علاقاتها جيدة مع العالم الكل، بالمناسبة راهو حتى حد ما يمنعك انت تقول نحب نغير تحب تقري الإنجليزية، برا قري، عملها بورقيبة في الثمانينات تمشيوش تنساو، أما عملها ما لقاش أساتذة يفهمو الإنجليزية، خاطر أحنا تربينا على العربية والفرنسية، الساعة هاذيا يلزمها سنوات، نهار اللي تأخذ قرارك برا خوذو، يصير ضغط ينجم يصير ضغط أما انت حر ماك انت قلت توة سيادة وما سيادة تفضل، السيادة الساعة هاي منعتك إنك تحل بعض الملفات، شبيك في هاذيا ما فماش سيادة وفما قرارات كي تاخذها نفهموك مليح راهو ما عندكش سيادة، مالا علاش الشعارات هاذيا بش ترضي التوانسة باهي يا سيدي رضي التوانسة وأعطينا صورة سلبية في بعض الجرائد الأجنبية كونو عنا رئيس جايب عباد بش يهاجمهم حكاية غريبة الحقيقة، نرجعو لموضوع توة حرية التعبير، راهو أنا ما نحبش ندخل في الفلسفة متاع حرية التفكير وكذا عادي مطرح التفكير والتعبير، والتعبير هو المظهر الخارجي لما فكرت فيه، هو حب يقولهالهم يظهرلي، ولو ما يستحقش تحليل برشا كلامو، من نوع فكر قبل ما تتكلم، إي نحنا ديما نقولولو الكلام هذا فكر سي قيس أنا ما نراهوش رئيس حاجة رائعة برشا، أما كي يقولها رئيس تخوف، كي نقولها أنا توة نجم نقول كيما نحب رايي، راهو كي تبدا تحكم وفي إيديك السلطة وتحكي في الكلام هذا راهو كلام متاع أنظمة استبدادية"...