وقال بوزوزية:" أهم مطلب طلبناه هو التفاوض مع ممثل عالحكومة في شخص وزير الشؤون الاجتماعية، هذا طلبناه من السيد والي منوبة سابقا من فترة كبيرة وزدنا طلبناه من المدير الجهوي للشؤون الاجتماعية، دوار هيشر هو ملف تجاوز السلطة الجهوية، هو ملف وطني بحكم أنو دوار هيشر فيها 120 ألف...الحاجة الثانية: الخدمات الصحية في دوار هيشر تسببت في موت العشرات اللي عيانيو من مرض مزمن السكر والدم وغيرو، الطلب الثاني هو تحسين الخدمات الصحية، مش مستوصف اسمو وحدة صحية، المستوصف ما خلطنالوش حتى من عهد بن علي حتى دونتيست ما فيهاس، ماهوش مستوصف وحدة صحية حتى في العصور الوسطى ما فماش، أحنا يعدوا في الشارع عبارة، الدواء ما فماش، لا سكر لا دم وتسبب في وفاة العديد، وبرشا ناس ماتو لأنو ما لقاوش الدواء، نحنا زواولة ما انجموش نشريوه مالفارماسي، عاطيينا بطاقة علاج بيضاء مجانية مش بش نمشيو نشريوه مالفارماسي... المطلب الثالث هو النقل الجماعي ألف مرة قلنا راهي دوار هيشر معزولة على المنطقة الصناعية بالشرقية ومعزولة على سليمان كاهية منوبة للطلبة اللي يمشيوا لكلية الآداب، يوفرولنا النقل الجامعي للشرقية وأريانة والنقل الجماعي لسليمان كاهية، في بالك نعيشو بالكلوندستان، الناس بلاش أوراق حتى لطريق ماطر، لأنو ما عناش خيار وحل آخر، وأحنا معاهم يبقوا هوما خير من بلاش، النقل الجماعي عنا سنوات نطالبو بيه... المطلب الآخر هو التشغيل اللي في دوار هيشر أكثر نسبة بطالة في ولاية منوبة، وتقريبا في الجمهورية راهي 120 ألف...البنية التحتية في بالك دوار هيشر هي الوحيدة في ولاية منوبة اللي ما عندهاش منتزه، في بالك أكبر نسبة إجرام ومشاكل في دوار هيشر بسبب البطالة والفقر... أحنا ملفنا راهو فيه عدة مطالب موجودة عند رئاسة الحكومة منذ 10 أفريل 2019، كان ما فيبالكمش هاو في بالهم الحكومة الجديدة، موجود من ذلك التاريخ ولا حياة لمن تنادي...راهي دوار هيشر رسالة للسلطة والناس الكل، رانا نحنا قاعدين نسايسو إلى أبعد الحدود، ما نحبوش نصعدو لأنو كان تخرج دوار هيشر راهو خطر على الوضع العام لأنو نحنا نخافوا الأمور تفلت من إيدينا... نحنا 6 كلم على العاصمة ما عناش مستوصف ومنتزه"...