وقالت عيسى:" عنا دستور 2014 اللي هو دستور تشاركي ودستور معترف بيه، ما مشاش على روحو... دستور 2014 هو اللي متمسكة بيه كل مقاومة الانقلاب وكل جهات المعارضة لمشروع قيس سعيد وهي أكثر منو بكثير، الدستور هذا اليتيم اللي قعدوا يلوجولو على أب تي ما نعرفوش حتى شكون كتبو، انت اليوم تنجم تدافع على المبادئ اللي جات في الدستور هذا... تنجم تقول دستور التونسيين والتونسيات، سامحني فما ممارسة ديمقراطية حسب معايير معروفين ونحب هنا نذكر بتقرير لجنة البندقية اللي قالت المسار هذا باطل واللي الدستور هذا ما يجيش واللي الهيئة هذي باطلة، ياخي شنوة ضحك على الذقون، نعرفو نحنا اللي الخطاب الشعبوي هو القوت اللي ينفش منو ريشو كيما نقولو نحنا المستبد، صحيح أما الخطاب الشعبوي هاذاكا شهر اثنين تعمل بيه باز، تهز بيه كرذونة تمشي بيه لحي هلال تنجم تعنق بيه طفل صغير أما مبعد سايي اليوم هاي البلاد غارقة شنية بش تعمل الله أعلم"...