وقال الشواشي:" هذاكا علاش عمرو لا استشارهم وعمرو لا شركهم ولا ناوي يشركهم، هذاكا علاش وقت نراو المرسوم 30 جاء سما العمداء أنو هوما بش يكونوا في لجنة الشؤون القانونية والسياسية وأنو الاتحاد وباقي المنظمات بش يكونوا في اللجنة الاقتصادية والاجتماعية بالتالي النظرة الفوقية والحلول المسقطة هذي فلسفة رئيس الدولة، هو يعتبر روحو انسان جاء لإنقاذ الدولة التونسية هو اسنان ملهم ربما وراه العناية الإلهية والحلول متاعو اللي يحب يفرضها مش في حاجة لا بش يستشير ولا بش يشرك أي انسان، اتحاد الشغل عطا فرصة كبيرة جدا عندو مدة يدعوه يا رئيس الدولة من فضلك أعمل حوار وشرك الناس وراهو لا يمكن الاستغناء عن الأحزاب السياسية ولا يمكن يشارك الاتحاد في قتل الأحزاب السياسية ولكن للأسف الشديد رئيس الدولة ماضي قدما في مشروعو الهلامي هذا المشروع اللي مش بش يركز جمهورية جديدة بل هي جماهيرية جديدة على النمط اللي عاشتو ليبيا طيلة 42 سنة تحت ظل حكم معمر القذافي هذا هو ملامح الجمهورية الجديدة اللي يبشر بيها التوانسة".