وقال كرشيد:" رئيس الجمهورية يحكم منذ 3 سنوات عندي لوم شديد الحقيقة على الخطاب السمج واللي يخلق حالة تأزم والتوانسة شامتين في بعضهم، المفروض نحبوا التوانسة في بعضهم كان فما خطاب واعي وراشد وعقلاني، مش نكرهو التوانسة في بعضهم بيك وعليك، خطاب متشنج جدا لرئيس الدولة ويؤدي لانتحار الكثيرين في تونس سواء بشكل مباشر أو عن طريق الهجرة، هذا خطاب متشنج أدعو رئيس الجمهورية أن يقلع، اللي عندو ملف يمشي للقضاء سيحاسبون سيحاكمون، تفضل سيدي اللي عندو ملف خلي يمشيلو، فما مسألة خطيرة أحنا رانا في خشية ونسمع في الحقوقيين وأنا منهم يتحدثون على افتعال الملفات وتوجيهها، راهو خطير برشا وأنا انبه مالمنبر هذا افتعال الملفات في حق الناس حتى في عهد بن علي عشتو وعشتو وأنا صغير في عهد بورقيبة، أخطر توة افتعال الملفات بتوجيه من وزير الداخلية ووزيرة العدل خطير جدا، إذا كان ملف يخلقوهولك من عدم لأنك ضدهم ولا عندك أفكار.. هاو سمعت البارح بسام الطريفي من رابطة حقوق الانسان يتحدث على أشياء خطيرة، وأنا ننبه ونقول راهو خطير جدا هذا إذا كان بش يصير في تونس"...