وقال كرشيد في علاقة بإيقاف كمال اللطيف:" أولا القانون ينفذ على الجميع وعلى الكافة لكن القانون مش التعسف، ولا يوجد شخص فوق القانون، والناس الكل نمثلو أمام القضاء وكل يوم نمثلو أمام القضاء ونقف أمامه باحترام ويجب أن نتعامل فقط نطلب حسن تطبيق القانون وعدم التعسف فيه هذا مبدأ، ثانيا ربما بالنسبة لموضوع كمال اللطيف اللي هو توة عامل برشا هرج وبرشا حديث، خلافا لما قاله خليل صديقي كمال اللطيف كان أوقف سابقا في عهد بن علي وحكم بالسجن ويبدولي حرق مكتبه وقتها، والقضية معروفة ومعلومة، يعني تم إيقافو في عهد بن علي، وتمت محاولة إيقافه في عهد الترويكا بناء على تعليمات من رئيس الجمهورية كيما قال طارق وقتها اللي هو منصف المرزوقي، هو تنفيذ بطاقة جلب على أساس أنه رجل لوبيات، حسب ما نفهم ونتذكر من الملف العملية عندها 10 سنوات لتالي، والملف وقتها على هذا النحو، بالتالي الحقيقة هاذيا مسألة هاو كل مرة إيقاف كمال لطيف، إذا كان عمل حاجة يتوقف كيما الناس الكل وإذا كان ما عملش زادة مش لأنو بش نعملو شعبية ولا مزايدة سياسية بيه نوقفوه بدون حق، أنا راهو أكثر ما أكره في الدنيا هو الظلم، وأعتقد أنو موضوع كمال لطيف فيه محاكمة فايسبوكية قبل ما تكون محاكمة قانونية، الملف لحد الآن ما اطلعوش محامينو عليه، كي تتطلع الناس على الملفات ونتحدثو على حدية الإيقاف من عدمه وقتها نتحدثو على حقيقة ما تم في الايقافات الأخيرة"...