وقال كرباعي:" ممكن كيما يسموها في إيطاليا الواقعية الجديدة، أنا ما نحبش نوري أنا نحب نعري على الواقع السياسي اللي نعيشوه في تونس، على أزمة 25 جويلية وما بعدها وحتى قبلها، للأسف دائما هناك إلى اليوم ومازلنا نجتر في تلك التراكمات، سواء كان الموقف من 25 جويلية ثم ما بعدها، اللي هناك من يعتبره لحظة لا بد منها بالنسبة ليا أنا هذا كنائب وكعضو مجلس وطني للتيار الديمقراطي أعتبره انقلاب وإلى اليوم سنة ونصف مازلنا نعيش في هذا الانقلاب ولكن للأسف بقينا في مرحلة الفعل وردة الفعل، اليوم السياسي عليه أن يجد الحل وليس التعليق والخطاب الموجه في النقد لقيس سعيد، صحيح قيس سعيد موجود مرحلة لكن اليوم أحنا نشوفوا بلادنا قاعدة تغرق وتمشي للهاوية، للأسف الفاعلين السياسيين اليوم في تونس ماهمش حابين يلقوا حلول، أنا كشاب ما انجمش نعيش في ديناميكية سياسية تسيطر عليها ديناصورات السياسة، نحب نتحرك نحب اليوم مثلا كي بش نتحرك سواء كان على الصعيد السياسي أو المدني أو النضالي لا أحمل حتى قبعة لا أحمل حتى التزامات داخل حزب مواقفي وأرائي تمثلني... اليوم قلت ما انجمش نلقى روحي في حتى بديل سياسي إذا ما يتناولش المسائل هاذيا على عجلة وبالتالي هذا هو موقفي وهذا الشي اللي خلاني نستقيل اليوم من التيار"..