وقال الأستاذ الشهدي:" بالنسبة للوضعية القانونية متاع الشباب، بالنسبة للإجراءات تم إجراء أبحاث أولية بإذن من النيابة العمومية، تم الاستماع إلى زوز أولاد من أصل ثلاثة، تم إصدار بطاقة إيداع بالسجن وتعينتلهم جلسة يوم 23 ماي، الغناية كيما سمعوا التوانسة الكل حكاو على وقائع، اللي نشوفوهم في المسلسلات والأفلام، المسألة هاذيا تتعلق بحرية التعبير والإبداع في دولة نقولوا أنها دولة حقوق وحريات، ما فما حتى حد شكى، باحث البداية أثار الدعوة بناء على مار راج... اللي تشدوا ومودعين في السجن المدني بالمرناقية من عام 96 و99، هوما طلبة وما مشاوش يعديوا في امتحاناتهم، تمت إحالتهم بتهم الإساءة للغير عبر الشبكات العمومية للاتصالات ونسبة أمور غير صحيحة لموظف عمومي... العقوبات سالبة للحرية... فما فريق دفاع اليوم تكون، فما ما يقارب 13 محامي مجند للدفاع عنهم، عنا ثقة في القضاء عنا ثقة أنو فما حقوق وحريات في تونس اكتسبناها من 2011 بش نحافظوا عليها وبش نزيدوا ندعموها، وليدات صغار... الشاب الثالث ما تمش إثارة دعوة في حقو وما هوش في حالة فرار... المحاماة التونسية تتجند، هاذي قضية تتعلق بحرية الإبداع والتعبير والرأي، ما تتعلقش بزوز صغيرات غناو غناية هزلية... القضية هاذيا كيما قالوا ضيوفك، قضية رأي عام، وبش يتم اختبار تونس فيها في مسألة الحقوق والحريات وحرية الإبداع...