وقال النابتي:"التيار الشعبي عندو رؤية واضحة من 2019، بعد ما وصلت الأمور إلى حالة من التعفن في البلاد وإنو المنظومة السياسية ما فيهاش حل من داخلها، الحل لاهو في البرلمان في الوقت هذاكا ولاهو في الحكومة اللي مشكلينها ولا حتى في الدستور متاع 2014 لا يعطي حلول، وكنا واضحين وصريحين وقلنا أنو الحل من خارج هذه المنظومة وهذاكا علاش كنا دعينا لـ25 وساندناها من أول لحظة إلى هذه اللحظة لم نرتبك أبدا ولم نرتد أبدا ولن نرتد إن شاء الله طالما هي في الطريق الصحيح، لأن الدستور أحد الممرات الضرورية بش يتم الإصلاح السياسي على قاعدة وبش تتخلص البلاد م المنظومة اللي نكلت بها، لأن المنظومة السابقة لم تنكل بالشعب فقط هي نكلت بجثة الدولة وحولتها إلى حطام ثم ضيعت حقوق الناس والشعب ووصلت إلى مرحلة التصادم الداخلي مما كان ينذر بخطورة كبيرة والدليل اليوم أن الطغمة السياسية اللي حكمت 2011 وتسيدت المشهد إما ملاحقة بالسجون بتهمة تبييض الأموال والإرهاب أو هي فارة إلى خارج الحدود وهذا ما يجعل النعم القوية في وجه كل هذه الطغمة الفاسدة والمفسدة ضرورية بالنسبة إلى الشعب التونسي لإنقاذ بلاده وإنقاذ نفسه".