وقال سويلم:" كلمة السيد المحافظ "مروان العباسي"، ركز على أنو فما تدهور كبير اليوم على مستوى العجز التجاري، التطور متاع العجز بالأزمة متاع أوكرانيا وكل شي، الأسعار الكل لهبت في الأسواق العالمية النفط والحبوب والمواد الأولية الأخرى إلى غير ذلك، العجز التجاري من أوت حتى لديسمبر 2021، وما فتناش العجز التجاري مليار و500 مليون دينار، بعد جاتنا الحرب متاع أوكرانيا نتعداو في مارس لمليار و900 مليون دينار وفي أفريل رقم مرعب زوز مليارات و157 مليون دينار، رقم يخوف لأنو وقتلي يكون عندك عجز تجاري يلزم يكون عندك القدرة على تمويلو، يا إما بش تتداين ويكون عندك موارد أو فرص متاع تمويل خارجي وهذيا الفرصة أصبحت غير مطروحة تماما نظرا للكلفة العالية على الأسواق المالية العالمية، ونظرا لأنو مازلنا ما وصلناش لاتفاق مع صندوق النقد الدولي إلى غير ذلك إذن آش يبقى الحل الآخر هو أنو تخلقلو وتولي تمولو وتجبد مالكاسة اللي عندك الرصيد الاحتياطي من العملة الأجنبية، وبطبيعة الحال يقلك أجبد ما ترد الجبال تتهد، ورصيدنا من الاحتياطي من العملة الأجنبية يلزمنا نحافظو عليه، أحنا اليوم مازلنا في مستوى 122 يوم توريد رغم أنو مستوى الاحتياطي بالدينار التونسي أحنا في 24 مليار و212 مليون دينار في الأيام الأخيرة، مقابل عمناول كنا في مستوى 21 مليار و380 يعني بالدينار زدنا تقريب 3 مليارات ولكن بأيام التوريد عمناول كنا في 140 اليوم ولينا في 122 هذا منين جاي لأنو الأزمة هاذي الحرب الأوكرانية خلات وأنو كلفة التوريد غلات، يوم التوريد اليوم ولى حوالي 200 مليون دينار 198.5 مليون دينار، عمنال في الوقت هذا كان 152 فاصل 7 مليون دينار"...