وقال الخلفاوي:" الرئيس من زيارتو للداخلية كاينو يعطي رسالة أنو وزارة الداخلية بش تقوم بدور الرقابة البعدية اللي تخلي الأمر على ماهو عليه، بينما عندما نستمعو للمختصين في الحرب القديمة ضد الاحتكار والمضاربة يقلك فما آليات مقاربة جديدة، هي كيما آلية الرقمنة، اللي تنجم تبع بيها مواد استهلاكية من التعبئة إلى وصولها للبيع بالتفصيل إلى المستهلك.. الرئيس بيدو في عوض يمشي مباشرة لإقرار هذه المنظومة يتبع في الطرائق التقليدية لأنو فما ناس ما يساعدهمش المنظومة هاذيا، وتتذكر كم من مرة يعملو مشروع يقلك بش نعملو رقمنة، لكن اكتفو بمظاهر فلكلورية يعمل ماكينة في وسط الحانوت ما فما حد يخدم بيها.. النقطة الثانية اللي ما مشالهاش الرئيس مباشرة هي الالتفات إلى سبب الداء وأصل المشاكل، هوما الوسطاء ووكلاء البيع، الهباطة، اللي هوما المفروض همزة وصل بين الفلاح والأسواق، لكن مع الوقت تحولو إلى بياعة بالجملة، ولاو هوما هباط وبياع بالجملة وفي نفس الوقت عندو مخازن متاع تبريد وشاحنات متاع نقل صار هو يتحكم في البضاعة وهي جاية من خلال الآلية الممنوعة قانونيا آلية التخضير، وما عادش يحتكمو لقاعدة العرض والطلب"...