وأكد حجي، أن أزمة الأوكسجين موجودة منذ فترة وكان من المفروض أن يعد قرارات وإجراءات منذ عدة أشهر للتصدي لها خاصة وأن نداءات الاستغاثة والتنبيهات فد تعددت حول هذا الموضوع.
وقال ضيف برنامج 90 دقيقة،:"انت كيف يبدا عندك أزمة حادة في البلاد وعامة ونتائجها تنجم تكون أرواح العباد، مالمفروض أنا كي ندخل الصباح للبيرو نمد أش عملنا في الأزمة هاذيكا وعندي مالمفروض إجراءات قررتها منذ شهرين وكل صباح نتابع وين وصلنا، مش نخلي الناس تموت مبعد نقول ما نقبلش أنا شنوة هالسيرك، والسيرك راهو فن بدرس في المدارس وعندو قواعدو.. مش قوم الصباح أعمل شتحب السيرك، أحنا أكثر ما يكون سامحوني في العبارة سيرك عمار، الحقيقة حكومة شفنا أداءها ب9 وزراء بالنيابة، أحنا ماو نلوجو ع الأوكسجين للسبيطارات أنا يظهرلي حتى الحكومة يلزمها أوكسجين يلزمها تدخل لغرفة الإنعاش...".